#солидарност за оние кои имаат помалку

Здраво Интернет,

Пред скоро еден месец, баба ми по своето редовно враќање од црква во приквечерните часови, не ја направи својата стандардна рута и да си влезе во собата, туку видно вознемирена влезе во мојата.

Ме замоли ако можам да и дадам 100 денари. Ми звучеше многу чудно затоа што никогаш не се случува, па ја прашав да ми раскаже што е работата. Со насолзени очи ми ја раскажа приказната за жената и нејзината ќерка, кои ги запознала кога работеле во Каритас (народна кујна на католичка црква), 40 и нешто годишна жена и нејзината 20 годишна ќерка која има некоја психичка болест, и заради која не може да работи туку мора да остане да ја чува. Баба ми решила да собира по 100 денари од сите што ги знае за да и однесе нешто. Не ме разбирајте погрешно, ама баба ми е многу прагматична жена, од оние од стар ков што го штедат секој денар, па нејзиното инсистирање да му се помогне на некој ми беше доволен показател дека работата е итна.

Пишав статус на фб и твитер некој да донира стара облека да почнеме од некаде, да ги облечеме – фала и ептен на Јованка која реагираше најбрзо што може и им однесовме јакни. Во меѓувреме и една организација ми пиша приватно дека ќе помогне па решив да не ја окупирам јавноста со ова прашање кога има многу вакви приказни, но за жал, ништо од тоа не се оствари.

Живеат во трошна куќичка, како што рече баба ми, од социјална помош која им доцни, со многу големи долгови на струја. Кога им најавив дека можеби ќе им помогне организацијата, од некаде најдоа ќумбе за дрва, но немаат олуци, а ни дрва.

Јас и баба ми ве замолуваме ако имате нешто од следниве работи да споделите:

– јоргани (затоа што немаат никакви) за покривање
– некое парче топла облека (овде морам да напоменам дека потребни се многу големи броеви)
– донација за да им купиме олуци и некое дрво – знам дека се многу пари дрва за цела зима но барем дел да се покрие некако
– некоја тегла ајвар или било каков друг прехрамбен продукт

Јас и баба ми ќе ве чекаме во 12 часот во недела пред католичка црква од каде блиску се стига до домот на овие две жени, кои ќе можете да ги посетите со нас ако сакате. Ви благодариме за помошта однапред. И најмалата помош на некој може да му го смени животот.

Еве го мојот email: tamara.atanasoska20@gmail.com ако ве интересира било каква информација.

3 thoughts on “#солидарност за оние кои имаат помалку

  1. Ce gledam da dojdam jorgan nekoj da donesam a za oluk treba da vidam kakov agol i sto treba pa da izprljam race potoa:) da ne tegnam oluci po ulici a golemi brojcinja ce vidam sto imam moze nekoj tepix star da domknam no peski sum taka da ako e nekoj motoriziran nekako neka me iskontaktira ce pomognam ako e takva hitna rabotata ide zima ne e zezancija Love&Unite the world kamo na site da im tekne da svatat deka treba da ima balans megu tie sto imaat i tie sto nemaat deka nikade ne stigame taka ednite na edna strana a drugite na druga kako rasizam da e U PM izvinete mi dojde:) pozdrav

  2. Живеам во Америка и искрено би сакала да помогнам околу облека или било што друго. Те молам контактирај ме преку меил nbabunska@gmail.com што поскоро.

    Поздрав и секое добро.

    Нина

Напишете коментар

Fill in your details below or click an icon to log in:

WordPress.com Logo

You are commenting using your WordPress.com account. Log Out / Промени )

Twitter слика

You are commenting using your Twitter account. Log Out / Промени )

Facebook photo

You are commenting using your Facebook account. Log Out / Промени )

Google+ photo

You are commenting using your Google+ account. Log Out / Промени )

Connecting to %s